新加坡精華遊 day 2

dears all,

    新加坡精華遊 day 2 (景點遊) !!!!!!! 唉 !! 我整埋遊記既速度實在太緩慢 ~~ 打呢11日既行程，竟然斷斷續續搞左成個月 !!!!!!!!!!!!!!! 我自己都好激氣自己咁慢 ~~~~~ 

     不過行程黎到呢日，身心已經相當疲累 .... 簡單的黎講... 影完相就想走人返香港訓覺囉 ~~~~""

第一站 ------->> 魚尾獅 (地標)

     

呢間金莎酒店實在太浮誇，近期好多package都做緊呢間酒店 上層可以上去睇風景，仲有泳池，我諗都會幾靚，但我地無時間 ~~ 

對住埃及果個40多度既太陽後，黎到新加坡，30幾度，我地竟然覺得無咩感覺 .... 唉... 睇怕我地都熱到儍儍地 @@ 

    

又點少得呢張咁地標既相 哈哈 始終正午影相係靚的 !! 加埋個大大藍天白雲 .... 激死 !! 又唔見琴日去環球影城咁既天氣 !!!!!!!!!!! 

當然又唔少得呢張搞笑之作啦 !!

   

不過寶寶幫我對得唔準 .......... "" 睇黎大家都好攰 ~~~ 已經係為作「交功課」而影既 ~~

   

呢邊仲有一隻小魚尾獅添 !!

   

影完相，我地行一陣，魚尾獅附近係商業區，仲有好多5星酒店係呢到

   

呢間就係其中之一，我地有入到去行下，不過唔好意思影相 ~~

   

對邊有條橋，呢到環境都幾優美

   

由魚尾獅走去大摩天輪都要半個鐘 ! 望就近 ... 行就真係腳仔軟 !! 好彩途中遇見買雪糕，好得意，係用餅乾夾住 !!! 

大家都知我對雪糕興趣度只係一般，之但係係的熱到爆晒燈既情況下，當然例外，結果，我用左極速食完我呢個巧克碎片 !!!!!!!!!!

第二站 -------->> 摩天輪 (好似話係全球最大 !!)

   

嘩，超級開心，東X遊送我地每人一張摩天輪入場劵 (價值 $150-$200左右) !!!!!!!!!!!!!! 好彩無咩人 哈哈

   

不過係玩之前，去左食lunch 醫下肚仔先 !!!!!!! 唉.... 我地仲食的超級熱氣既炸野 ~~!!!

   

一架摩天輪可以坐成10多人

   

大家排隊上摩天輪luuuuuuuuuuu !!

   

我地呢卡內得我地4個同2個外國遊客，實在太正啦 !! 因為我地上一班有幾個細路仔都幾嘈 哈哈 我覺得自己仍可以笑得出好利害 !!!!! 

   

望見好多唔同地方，慢慢開，又可以慢慢睇真D，感覺好安全 !!

   

仲見到F1方程式賽車場地 !!!! 

   

我地估好快有賽事，因為見到的工作員加緊工作中 !!

   

近距離比大家睇下個車廂先 !!! 入邊仲有得坐 每人可以攞住一個收音機 (有英語、普通話)

玩完呢到我地回酒店攞行李 ------>> 機場

   

我地同埋團友一齊book左部6人van仔好舒適咁到機場 !! 

不過，我地最lowB係入左境先聰明地知道高3層之滑梯係出邊 ~~~!!!!! >.,< "" 

唉，本來入境處話比我地出番去，之後再蓋印入番境，但我地都係放棄左 !!!!! 最終我地都係揀左係入邊shopping !!!! 

買左的咩

買左的咩 ????

之唔係我至愛既泳衣 .... 唉 ... 我都懷疑自己瘋狂 ~~ 明明係埃及果套紫色只著左一次咁大把 !!!! 但我真係忍唔到，加上咁多日都無咩收獲

    

最終我揀左套碎花款，褲仔仲有花邊 

但其實花邊都已經唔係第一次買，仲要係同一個brand我之前已有 哈哈 好crazy !!

    

我都算係 Billabong既粉絲，(基本上幾個澳洲滑水brand都係)，上邊個綠色款係08年款，果時香港仲有專門店，家下就無luuuuuuu ~~~~ 仲記得綠色果套係同ex一齊買，有7折!! 

  好野，下個月又有新野著，諗起都超級興奮 !!!! 因為我的好朋友仔會跟我去泰國玩幾日，當然係陽光與海灘啦，最令我相當期待既係目的地我都未去過，而又一直都想去 (唔係布吉/蘇梅)，著手開始plan行程 !!!!!! 超級開心 !!!!!!!!! 最估唔到係今年3個trip都係游水記 ~~~~~~~~~~~~~~~~~~********

   11天既遊記終於寫完，希望大家喜歡 ^^ 我亦都好開心有的網友問下我行程資料，我十分樂意同大家一齊分享互相交流 !!

 ** 為左去玩，我都係要努力的做功課 !!!!!!!!! **

k