katie kitchen。katie world。: 興致大起睇畫書

2010年7月11日星期日

dears all,

最近我真係發現自己多左好多興趣，哈哈，好似小朋友仔咁宜家先走黎睇畫圖。不過人大多，的確好似好難好似小朋友仔咁咩都試一餐，加上雙魚座既我都係愛新鮮好玩，咩都鐘意一餐 ....

所以，前幾日走入商務書局 "打個白鴿轉"又點會吉手而回，可能係我根本想洗下$$$ ... >.,< 好多時我都係靠感覺行先，一眼見到本心儀既書，覺得啱feel就買起佢

大家見到呢2本書都大概會估到我會鐘意的有顏色有公仔+文字既書嘩哈哈

企係書店到一路翻開，一路都覺得自己會有心機去畫下，點知....... 回家睇多2睇... 唔對路 .... 原來真係好難畫 ~~ 唉唉 ~~

　或者淨係當書仔咁睇我會開心的，要畫出黎的確好難，又或者好似作者插畫家羅安琍所言

:「從小至大，我們都被要求做到100分的規格，要畫得似先ok ! 所以唔敢去落筆畫 ...... 其實畫畫係表達內心感覺，十分隨意隨心。」

我覺得都好有道理，香港式教育或許就是欠缺興趣，下下都講升級加分，好似無左鐘意和喜歡 .....

好啦，我會比心機去睇，比多的機會自己去學 !

我既好同事阿paul好鐘意畫漫畫，我show 左我本書比佢睇，佢第2日就話借本插畫書比我，因為佢知我鐘意花花，呢本係教畫花花。

題外話 :

好友janice 啱啱同老公仔去完台灣，例必行程誠品書店，據janice既形容係買左一本超級超級靚既整餅書比我 !!!!!! 發達啦，大家都知我鐘意睇靚野嘩哈哈　好想快的攞到手呀 ~~

雖然我未去過台灣，但個個都同我講，誠品書店好大好大 !! 不過我連書展都未去過 @@ 因為認識我既朋友仔都知道我好驚人多 ..... 我會為左咁放棄買平書既機會。

最近實在太多朋友仔去台灣玩，通常其中一站都會去買書，所以我可以成日收到書仔做手信太好啦，大家放心，我每次去泰國林真香手信又點會少大家一份呀

love,

katie

黎啦黎啦...不過黎台灣去誠品打書針就好嘞,唔好幫襯佢,貴過其他書店!!不過去誠品hea真係好享受架!!

娘娘也很愛看書,今年10月我也想去一次台灣走走!

katie kitchen。katie world。