2010年10月31日 星期日

芒果芝士蛋糕

dears all,

    芒果芝士蛋糕 (7吋)

   
整左個我好滿意既芒果芝士蛋糕 !!!!!!!! 唔知大家又覺得點呢  

    
最鐘意就係芝士蛋糕上既半
面,令到個芝士蛋糕顏色有對比,好靚呀 !!!!!! 

做法 *****

餅底 :
1/. 消化餅70g,先壓碎,加已溶化的無鹽牛油35g,用力壓實圓型模底

    

芒果芝士 :

1/. 忌廉芝士先放室溫回暖,約2小時
2/. 芒果茸 

    
  買左4個呂宋芒果,可能過左夏天... 唔係好多街市有芒果買,仲要好貴添呀 ... $15 先得2個,共$30 ............ 2個芒果做芒果芝士、1個芒果做鏡面、1個做粒粒面 

    

   先攪拌250g 芒果變成茸

    

3/. 打起淡忌廉 270g 

     

4/. 忌廉芝士 300g,先用電動打蛋器打均

     

4/. 糖分3次加入芝士糊內,繼續打發至軟身
  
      

5/.  芒果茸放入微波爐叮熱至微暖,加入芝士糊內

       

6/.  準備魚膠片 12g,先浸軟,後加16g熱水成魚膠溶液

  

      

   加入芒果芝士糊中,用膠刮輕手攪均

7/. 加入已打起之淡忌廉,攪拌均

      

8/. 完成後,倒入7吋模內入雪櫃

芒果面 :

1/. 準備芒果茸 70g 
2/. 放入微波爐叮至微暖,加入砂糖2茶匙
3/. 魚膠片3g+45g熱水,溶化後待暖加入芒果茸中,芒果芝士糊成型後,便倒入芒果茸上面,放電櫃過夜

芒果粒粒裝飾 :
1/. 一個芒果切2邊,再切粒狀鋪上芒果芒士蛋糕上
2/. 再掃上糖水,讓水果保持光澤新鮮即成

   

 朋友仔收到都好開心 ^^ 希望朋友仔生日快樂,生意賺大 $$$$ !!!! 

  ** 今日又懶洋洋在家 哈哈 各位halloween快樂 !!!!!!!!!!! **

k




  • 留言者: Mrs Cook 小花媽
  • Email: floraykau@yahoo.com.hk
  • 網址:
  • 日期: 2010-10-31 23:21:00
好 pro 喎!好靚, 出得大場面咖!





  • 留言者: Hung Cha
  • Email: moonstar_sun2007@yahoo.com.hk
  • 網址:
  • 日期: 2010-10-31 19:50:00
cheese cake 呀!
[版主回覆10/31/2010 20:50:00]hungcha 祝你萬聖節快樂 !!!!!!!!! 呢個cheese cake 送比朋友做生日 ^^





  • 留言者: ※Pinky※
  • Email: lemontea1682000@yahoo.com.hk
  • 網址:
  • 日期: 2010-10-31 17:29:00
整得好靚呀katie~^^
我都祝妳
 

[版主回覆10/31/2010 18:50:00]pinky  我都祝你萬聖節快樂呀 ^^





  • 留言者: 美味娘娘
  • Email: hkcookingmama@ymail.com
  • 網址:
  • 日期: 2010-10-31 16:30:00
萬聖節快樂  做你朋友好幸福呀!
[版主回覆10/31/2010 18:50:00]娘娘 萬聖節快樂呀 !!!! 我朋友最近都成日食我整既野 所以佢覺得無咩特別啦 !! 你呢隻彊C仔好可愛 哈哈





  • 留言者: 波子
  • Email: mantauman@yahoo.com.hk
  • 網址:
  • 日期: 2010-10-31 15:32:00
我下個月生日呀
[版主回覆10/31/2010 16:00:00]你好呀 波子 哈哈 咁你試食呢個先 下個月再做多個比你食啦 !!!!

2010年10月30日 星期六

滋潤糖水系列 -- 腐竹百合雞蛋糖水

dears all,

     滋潤糖 水系列 -- 腐竹百合雞蛋糖水

   
呢幾日秋風陣陣,又清涼又超級乾燥,最啱當然食下的滋潤既糖水啦 !!!! 

唔知大家飲腐竹百合雞蛋糖,鐘意的腐竹溶晒定一片片留係糖水中呢 ?? 我就鐘意好似上圖自己煲呢種未溶晒既版本 !!! 

因為鐘意有少許口感,因為我鐘意滑lu lu 既感覺,哈哈,所以啫喱、布甸之類既野都係我至愛 !!! 

做法 *****
1/. 腐竹先浸軟身,百合洗淨,可自己加薏米(先浸洗)
2/. 煲熱水,放腐竹中火煲至少爛,下百合及薏米,再加2粒冰糖至溶化
3/. 加雞蛋,可隨喜好加已煲熟之除穀雞蛋或生雞蛋打入,若生雞蛋打入,不要搞動,待雞蛋成形,煲約半小時左右即成

   
雞蛋我都係鐘意直接打落糖水中,因為鐘意蛋白滑 lu lu 哈哈 !!!!!!!!!!!!!! 我真係好鐘意飲呢個糖水,又方便又快,價錢仲實惠添 !!! 

 ** 今晚外出食晚飯,好正既葡國餐廳,好飽呀 !!! 我個芒果芝士蛋糕好正呀,聽日同大家分享呀 !!! **

   愉快週末 ^^





  • 留言者: 美味娘娘
  • Email: hkcookingmama@ymail.com
  • 網址:
  • 日期: 2010-10-31 11:35:00
咁乾燥食一碗真係好正 ~
[版主回覆10/31/2010 18:47:00]你好呀娘娘 係呀 ~~~ 今日好似仲乾的添呀 ~~~ 食的滋潤糖水 喉嚨都無咁易痛 哈哈 !!

咖喱薯仔雞翼

dears all,

     咖喱薯仔雞翼

   
又再黎咖喱先 **** 

  上次整吉列咖喱豬飯,用淨左半𥖁咖喱粒,見佢係雪櫃,清埋佢先得 哈哈,結果半𥖁都整到好大碗,呢個玻離box可以入微波爐,好好用,又唔使驚的膠溶食壞身體。

今次改良左少少,薯仔先焗或steam佢數分數等佢淋身的 哈哈 (上次又懶無咁做,所以硬左的 !!)

做法 *****
1/. 先洗雞翼,用雞粉、生抽、糖先醃約1個小時多備用
2/. 薯仔切粒,入焗爐或微波爐煮至淋身,小心爐火,太淋的話,後加咖喱煮容爛
3/. 燒熱鑊煎雞翼至2邊金王色上碟備用
4/. 燒熱鑊中火,下咖喱𥖁,加水至咖喱礣溶化,加奶或忌廉(今次加左忌廉),慢火煮至淋身,creamy程度隨個人喜好,奶或忌廉分量約半杯左右
5/. 加入薯仔和雞翼再炒數分鐘上碟即成

   
求求其其影完相就食啦 !!!!! 撈埋的飯食就最正 ^^ 煎香左的雞翼加埋日式甜咖喱  

  ** 今日完成左個蛋糕送比朋友仔生日,好開心呀 !!!!!!!!!! 天氣又好,要好好把握出戶外玩呀 ** 

   各位,有個愉快週末 ^^





2010年10月28日 星期四

新加坡精華遊 day 1

dears all,

   各位,真係唔好意思啦,搞左咁耐先出呢個新加坡精華遊 day 1 ~~~~

(小小題外話 : 唔知係咪其他blog友search 到我既埃及之旅,好開心有2個新blog友同我say hi 話已經報左12月出發既東X遊埃及團,好興奮呀 !! 希望你地有個愉快既旅程) 

我本來以為我呢篇新加坡既遊記會好少野寫,影相又唔係話太多... 但係當我upload的相,又整理下果陣,發現都唔係話少相既 ~~~ 

呢個 << 瘋狂新加坡non-stop咁玩之旅 >> (新作既名 !!) 真係超級挑戰左我咁大個女既極限 !!!!!!! 接近 24個鐘不停咁玩 .... 無咩點訓過 ..... crazy到爆炸 ...... 

上回埃及之旅 day 9都有提及到,我地坐10多個鐘到達新加坡機場+埋的時差,早上6:00 am 到達新加坡 !! 正式展開我地一行16人既10多個鐘繼續玩之旅 ~~

我真真正正玩足10 幾廿個鐘,最後,我仲係酒店上網玩facebook到凌晨2點 !!

好 !! 唔阻大家 ---->> 去相

  
先係機場食番個早餐先,亞坤都係出名食呢個地道咖咉包既餐廳,咖咉包包+半熟蛋+凍奶茶,個包唔係好脆........ 

  
跟住我地一行16人就一齊去買票搭火車出市區 哈哈 我咁大個女都係第一次咁多人一齊自由行 感覺當然特別又興奮啦 

  
機場火車站都好有香港站feel !!!!

  
火車內整潔就必然,連的站圖同香港都差唔多 !! 我個人宜家越黎越懶,全程指意寶寶,迷路我就C啦 ~~~ 

SORRY ,各位我徹底地忘記影下間酒店,不過免費既,大家當然唔好期望過高啦 ~~~ 一般啦,有得訓一晚已經好好 ^^ 

  
因為啱啱過左中秋,所以唐人街仲有好多裝飾掛係到,中國氣色濃厚 ^^

  
我地放完行李係酒店,約8:00 - 9:00 am 左右,就步行去牛車水

  
上左去牛車水熟食中心,環境同香港既市政街市差唔多,下層買餸,最高層食野

  
嘩,大家終於見到我最頹既樣 ... 唔好意思,無法啦 ... 捱左10個鐘機又無得再化妝... 仲要開始瘋狂咁玩,真係開始有的頂唔住 ... 眼訓中 zzzzz (大家都知我有幾鐘意訓覺 @@)

食番碗 「肉骨茶」精神下先 !!! 好正呀,我連的豬肉都食埋 !!!

  
跟住我地一班團友開始自由活動,因為我地臨出發前已book左呢日既 「環球片場」,又咁啱另一對情侶都係一樣,咁我地就展開4人行玩到晚上 !!! 

  
坐火車到聖淘沙站,再轉入去

  
大家見到既天氣,係咪好天晴呢 ^^ 但跟住就 ...... ~~~~~~~~~~~~~~

  我地book果時,已經有晒心理準備,知道好細。。。比迪士尼仲要細 !! 但到星加坡又好似無理由唔去玩咁囉 ~~~~ 所以都係入下去

  
呢條大街都幾靚既,但都係好細。。。同埋真係好細囉 !!!!

  
有的機動遊戲會無得玩添 ~~~~ 灰左 ~~~~

   
我們4人合照 大家睇下天氣有幾好 ......... 

之後就 ..........

  
超級 超級 大雨 !!!!!!!!!!!!!!
大雨到我地要每人買一件便利雨衣 ~~~~~~ 灰到爆炸左 ~~~~~~~~~ 仲要係不停咁落囉 ~~~~ 大雨到連大相機都要收埋,火到最後攞部防水相機出黎影好過 @@

本來我地好激咁諗住用3個鐘玩完呢到去水上樂園玩,連泳衣都帶埋 ... 點知唔使去水上樂園都已經夠濕 ....

坦白講,我玩到中午,真係有的「滿天星」既感覺... 攰到無晒力行.... 超級辛苦 !!!

  
因為網上預告入場劵,有5元坡子食物現金劵送,都算佢啦 !!! 我地既西式lunch !!!

  
落雨真係搞到咩心情都無晒囉 ~~~ 好彩我地都玩晒要玩既機動遊戲,最欣賞係荷理活製作工場,的大型風雨同小爆炸都做得好逼真 !!!!! 搞到我好想去美國玩添 ~~~!!

  
後邊既過山車好顯又未開啦 ~~~ 無得玩 .........

左邊既係埃及既方X碑 (又出唔到個字) 哈哈 啱啱去完埃及睇真既,到呢到竟然又可以睇下個仿版 ~~

   
最後,我唯一一樣係新加坡買既手信,就係呢個pin !!! 

   
呢個誠惠 $ 6.9 買黎做個紀念 ^^

   
睇真D都幾有代表性 哈哈

總括黎講,環球影城真係好細,的遊戲都算ok,可能等開晒會好的 ... 我地因為平日入去玩,人數都ok,當然都要排隊,約15分鐘左右,有的可能耐的就要半小時內左右啦,尚可接受 ^^ 記得出發前要上網買左ticket先,因為佢每日都會限人數入 ^^
  
  玩完就走人啦 ~~~~~~ 去聖淘沙玩其他野 !! 聖淘沙係一個旅遊區,分好幾個區,有唔同既野玩同睇,仲有好幾間酒店 !! 

  
呢個只係sentosa 內既仿版 ... 聽日先去睇個真既 !!!

  
我地去左玩呢個滑車車,好好玩,買左2條賽道,約2百多,但過程只係5-10分鐘.... 都幾貴

  
每玩完一條賽道都坐吊車上山頂又玩滑車到山腳

  
跟住仲去挑戰埋滑翔 ................ 上去果時... 真係有的驚.... 拍左video 好好笑 ^^

  
我地校啱時間,有我至愛既日落sunset view ,我地就係咁樣衝左落去下邊個島 !!! 過程只需5-7分鐘左右,又用左200幾300港元 !!! 我諗如果真係要玩晒呢個sentosa都幾貴 !!!

嘩... .玩到成個人都散左 ........

  最後,我地出番去shopping mall food court 食飯

  
當然唔少得 「海南雞飯」啦,好好味呀 ^^

跟住就返酒店

我由前一日中午12:00由開羅上機,翌日早上6:00 am 到新加坡,再玩到半夜2:00先訓.............. 真係好crazy......好彩返到香港,我已經唔洗做 可以好好休息 ~~

下回再續最後一篇新加坡之旅 (魚尾獅相+最大摩天輪)

k

  


  • 留言者: Mrs Cook 小花媽
  • Email: floraykau@yahoo.com.hk
  • 網址:
  • 日期: 2010-10-31 00:37:00
我都去過新加坡自由行兩次,上一次係 2009 年 8 月,兩次都覺得幾好玩噃!好懷念果度平,靚,正嘢食,海南雞飯同咖喱炒蟹好好味唷!好似你咁辛苦嘅旅行,我都有試過,囡囡一歲幾果陣去澳洲,坐完十幾個鐘機,冇得瞓又開始行程,真係辛苦到去過邊都唔記得晒!!
[版主回覆10/31/2010 09:56:00]你好 小花媽 !! 新加坡都發展得好好 機場又係No.1  你講得咁 ~~ 去長途旅行坐飛機10多個鐘都好辛苦 仲要一落機就開始玩 我上次去歐洲都係咁 !!!! 





  • 留言者: 何師奶
  • Email: cherrylungmrsho@yahoo.com.hk
  • 網址:
  • 日期: 2010-10-29 18:04:00
哎吔~明明好好天氣,突然間又會落大雨嘅~ 真係比佢玩 C 啊~ 好耐之前去過新加坡旅行,當年令我最印象深刻嘅,居然係喺嗰樹食到一個美味無比嘅榴槤啊~
[版主回覆10/29/2010 19:59:00]你好呀 何師奶 !!! 係囉 明明好好天氣 我仲諗住會曬C我 ~~~ 點知 ... 大雨到要買雨衣添 ~~~~~ !!! 唉 我地唯有自我安慰 「出門遇水為財」哈哈 反而我「地道野」都無咩點食過 ~~~ 最後連斑蘭蛋糕都無買到添  ~~~





  • 留言者: Vincent
  • Email: vincentchow1994@yahoo.com.hk
  • 網址:
  • 日期: 2010-10-29 17:54:00
東 X 遊的埃及團停留星加 坡 ( 酒店 + 摩天輪 ) 是要額外収費 . 我們九月報名十二月起程 , 早報團團費 10 天是 8,199, 11 天是 8,399.   但現時已加至 10 天 9,399, 11 天 10,699 啦 ! 你那時的團費是多少呀 ? 星加 坡酒店是不是 Link Hotel arr?
黑仔
[版主回覆10/29/2010 19:17:00]黑仔 你好呀 !!! 呀 ???? 你地要加$$ 停留星加坡 ???  我早成3個月前報名 $7,999  單張係寫住 Link Hotel 但最後導遊話轉左間再好少少既 ~~ 我全部自費活動都有玩足 大概用左$4,000港元內  加埋我係星加坡洗既 $$ 我諗我成個trip 約用左 $16,000 左右 !!!!





  • 留言者: 美味娘娘
  • Email: hkcookingmama@ymail.com
  • 網址:
  • 日期: 2010-10-29 14:46:00
環球我個妹6月去過,佢過唔好玩兼超細,提議我地唔好去!
[版主回覆10/29/2010 19:12:00]你好呀 美味娘娘 ^^ 環球影城真係好細呀 ~~~ 如果唔係落大雨 我諗我地3小時內都玩完 ~~~~





  • 留言者: 波子
  • Email: mantauman@yahoo.com.hk
  • 網址:
  • 日期: 2010-10-29 00:13:00
我就係見妳上次去馬爾代夫返嚟攪到咁大鑊 就意為妳係潺仔添 但今次妳好勁呀
[版主回覆10/29/2010 19:09:00]你好 波子 !! 哈哈 係呀 我腸胃較為敏感的 ... 上次真係慘痛既經歴 ... 上次自己去玩 病左都唔會太影響其他人 但今次跟團 驚影響團友 所以出發前去睇醫生食定抗生素打定底 !!!!! 所以咪可以捱到11日 哈哈 ~~~ 





  • 留言者: Eunize
  • Email: greenprune@yahoo.com.hk
  • 網址:
  • 日期: 2010-10-29 00:10:00
又去旅行????????
[版主回覆10/29/2010 19:06:00]你好 small !!!! 無再去旅行 只係埃及旅行最後一站免費停留星加坡2日1夜 ^^ 順便玩埋 ^^





  • 留言者: 波子
  • Email: mantauman@yahoo.com.hk
  • 網址:
  • 日期: 2010-10-28 23:56:00
嘩~妳真係玩得下喎 如果我好似妳咁唔瞓覺去玩 我諗真係要入醫院先掂呀
[版主回覆10/29/2010 00:03:00]哈哈 波子 你好 !!! 如果你有留意的話 其實你見我都係一個病君 ...  只不過我臨出發前已經開始食緊藥打定底 ... 我唔想影響到行程 又要麻煩到導遊 哈哈 不過只有去旅行玩 我先可以將我的潛能發揮盡 哈哈 !!





  • 留言者: MOONmoon 如月
  • Email: ngsksandy@yahoo.com.hk
  • 網址:
  • 日期: 2010-10-28 22:57:00
點解可以組織到咁多人嘅?
[版主回覆10/29/2010 00:00:00]你好呀 如月 !! 因為我地係埃及培養左9日感情 哈哈 所以大家咪一齊去玩 當然中間部份分開 始終大家玩既野都唔太同 不過我好開心認識到一班好團友仔 大家仲諗住約出黎食下飯添 !!!!! 真係無試過咁 ^^ 呀 !!!! 講漏左 因為呢個團免費送免費停留星加坡2日1夜連酒店+摩天輪入場劵 !!!!!!!!!!!!!!!!!!!!!!!! 所以當然有一班人會留埋玩 好著數好吸引 ^^