10/4 同2位寶寶到中環大會堂欣賞好精彩的無台劇 -->
「獨坐婚姻介紹所」
一入場收到個場刊, 加埋上圖既大poster 好靚
我地坐既位仲好正中間 超正 全場爆滿 
k推介指數 : 9.9 分 (10分為滿分)
*************
先講下個劇既威水史先 哈哈
1/. 第17屆香港舞台劇奬 「最佳劇本奬」劉浩翔
2/.第17屆香港舞台劇奬 「最佳男主角」提名 高繼祥
3/.第17屆香港舞台劇奬 「傑出年青演員」趙堅堂
哈哈, 一個劇可以滿足咁 睇晒3位最強人馬
套劇仲會5月係上海世博演出添 
簡單介紹下劇內容先 :
由3個男演員, 以3個故事到婚姻介紹所的房間內作自我介紹 (3人都希望
搵個伴侶結婚)
第一個是人到中年, 說話結結巴巴,明顯缺乏自信的砌圖店店主阿(沉)....
第二個是玩盡天下一樓一鳳,在情海浮沉多年,不愁寂寞的IT人員哥仔(CK)....
第三個是資優青年錯愛了好友 (男人),想滿足媽媽和世人眼光與女人結婚的(卓男)..
***************************
k看後感想 :
演員表現 -->
3個演員的演譯方法都不同, 年紀組群由20歲的資優生、30+的IT業男人、40+
的大叔, 動作和舉止都好能突出到男人不同年紀的需要.
起初中年大叔, 開場10多mins 我都擔心會悶 (雖然都好多笑位) , 只因未太觸摸
到個故事中心同帶出的共鳴 !
到第二個故事主人翁 (即CK), 大家都睇得好投入, 或者係講玩女人啦 ...
加上好多笑位,
到第三個卓男, 佢講說話既方式已經好搞笑, 本來以為淨搞笑 , 但佢爆出鐘意個
個係男人之後, 即時將佢的演技發揮到極點, 亦都係我覺得最共鳴的一段 !
故事連繫 -->
3個故事雖然不同, 但共同點係3個在自我介紹時, 都嘗試忍暪自己一點兒秘密,
當然, 劇情安排迫佢地講啦 .....
最欣賞是自白那段, 在台後以黑白影像即時放大3人的face 表情, 他們的無奈,
流淚的表情, 大大增加了大家的投入感
我大概想每個人, 不論是男人和女人都想忍暪自己的一點少秘密, 原因可能是
覺對X對唔到, 或不被社會接納吧, 但故事安排佢地講左出黎之後, 反而係對自
已一個交待、成長和進步的表現, 亦都視之為認識自己的重要一環吧, 因為往往
可能只是自己滿以為其他人介意, 只是自己加給自己的框架吧
男人愛控制+用極強方式表現慾望和佔有慾好能夠在CK身上反映! 你有幾愛呢個
女人, 其實從個女人離開你以後, 你就會發現她已不知不覺間在你的生命裹佔有
一個位置, 生活上的每個細節和習慣已令你不由自主地愛上她. 那又何必要失去
後才知道你有多在乎她呢, 或許這個經歴先足夠讓人們確定你愛她有多深吧
內心戲充分演譯在卓男身上, 特別是他獨白愛上的其實是男人.....他邊說邊流淚
背負著媽媽的期望、社會道德的指標... 令卓男只可以默默地自責是自己的錯 !
最後他還是告訴了媽媽 ....
最後, 3個男人同場有10mins 傾計, 初時3人都好抗拒... 之後就大家互相問候
但大家都唔介意大家的小秘密比人知 !
(打左最長篇的blog 仔添 
)
) ***************************
激C人啦 .... 好明顯無開閃光燈 !!!! 
好開心呀, 又可以以小fan 身份同劉浩翔合照 
寶寶買左套劇的講白書, 仲係即場簽名本 哈哈 !!!
張相太黑啦 ... 我都唔想咁嫁 .... 
唔知blog 友們有無欣賞呢套劇呢 ?! 一齊交流下有咩好睇呀 ^^
以上的只是k小妹的個人意見 !
love,
katie
- 留言者: katie
- Email: mo_mo0301@yahoo.com.hk
- 網址:
- 日期: 2010-04-12 13:25:00
- 留言者:
- Email: agnesman@yahoo.com
- 網址:
- 日期: 2010-04-12 13:19:00
沒有留言:
張貼留言