白汁雜豆雞柳意粉

      白汁雜豆雞柳意粉

   

食完蕃茄汁，又係時候轉下口味，黎個白汁creamy一下 !!! 呢碟咁大，當然唔係我啦 哈哈

做法 *****

1/. 意粉先煮熱約15分鐘，加點鹽糖調味，瀝乾備用

2/. 雞柳預先用糖、生抽、雞粉等醃約1小時，後燒熱鑊炒雞柳及雜豆，上碟備用

3/. 白汁做法 --> 燒熱鑊，下牛油2件，溶化後加麵粉，細火輕手攪均至無粉粒，再下已預先加熱的牛奶，攪至"傑"身，可再加少許忌廉

4/. 將材料加入鑊中白汁內，鋪在意粉上即可

  

最近又愛上食雜豆，唔理整白汁定紅汁都加埋一份 哈哈 **

  ** 今日天氣真係涼左好多呀 ~~ 搞到我都唔多願起身 !! 我真係予盾 ... 夏天又想冬天快的黎 ... 到涼涼地好似好淒慘咁 心情都沉重的 .. 又會想起夏天既活力開心 ** 

---

• 留言者: 美味娘娘
• Email: hkcookingmama@ymail.com
• 網址:
• 日期: 2010-10-29 14:57:00

間唔中食下意粉幾好呀,煮得好靚!
[版主回覆10/30/2010 10:58:00]謝謝你呀 娘娘 !!!  加埋雜豆顏色豐富的 ^^

---

• 留言者: Mrs Cook 小花媽
• Email: floraykau@yahoo.com.hk
• 網址:
• 日期: 2010-10-28 22:34:00

雜豆真係方便而且令ｄ餸顏色靚ｄ；不過我冇買好耐 lu， 因為囝囡唔鍾意食!
[版主回覆10/30/2010 10:55:00]小花媽 你好 哈哈 小朋友仔對於雜豆又真係抗拒的 因為唔鐘意食緣色豆豆 

---

• 留言者: 雀后
• Email: kitva95@yahoo.com.hk
• 網址:
• 日期: 2010-10-28 20:43:00

我果碟意粉呢???
[版主回覆10/28/2010 20:53:00]哈哈 雀后 呢碟咪係你囉 ^^^^^^^  加多的白汁比你又點話呀 !!!

---

• 留言者:
• Email: @yahoo.com
• 網址:
• 日期: 2010-10-28 19:20:00

最中意白汁意粉!!
我又要一碟!
 
 
 
[版主回覆10/28/2010 20:15:00]winnie 一早留左碟大既比你啦 !!!!!!!

再黎豬肉丸粥

dears all,

    豬肉丸粥

   

呢排真係搓肉丸搓到上左癮 ~~~ 繼搓牛肉丸後，今次搓豬內丸子 哈哈 

 上星期連續2日胃痛，搞到我都要屈服於食下清淡既粥品，但要我好似從前咁食淨白粥，我真係接受唔到囉 !!!! 

  今就唯有加的肉落去，咁今次既形狀就係丸粒狀 哈哈

做法 *****

1/. 半肥瘦豬肉先洗淨剁碎，加入生抽、糖、麻油、雞粉醃約2小時，後搓成丸狀備用

2/. 燒煲熱水，下已洗淨之米中火煲約15分鐘，再轉細火，加入薑絲及肉丸粒，再煲約20-30分鐘，加鹽、少許楜椒粉調味即可

   

因為煲煲下先發現屋企無晒䓤 ... 唉 ... 好彩加多左薑絲，的粥先有番多的味 哈哈 !!!!

 ** 今日天氣真係明顯涼左呀 !! 涼涼又係時候冬眠 ... zzzz 因為我太愛訓覺 ... **

 ** 真係好唔想到11月呀 >,< 因為實在太忙... 又要present 又要交功課.. 好苦呀 我呢個懶惰學生都真係唔易做呀 所有野都要迫住係12月中完結晒呀 !!!! **

k

晚飯聚

dears all,

    晚飯聚，今次既主角係我地親愛的sandy，上星期 (20/10/2010 三)我地一班理大同學一齊又再聚首一堂。

祝福sandy下個月婚禮開開心心，升任為靚太太 !!!! 幸福美滿生活 !!! sandy同準老公手拖手由中學生至將步入人生另一階段，我呢位靚女好同學太幸福啦 ^^ 拍拖10多年，我地都好開心可以去飲 哈哈 

     

先黎個晚飯聚先，係sandy家樓下太興搞掂我地簡簡單單一餐，謝謝sandy準老公請客 !! 

好想同大家分享下我同sandy 從前既大學生活日子 ---> 用現在潮語黎講 

「好hea」

原因 :

我地唔捱夜做功課，但求合格畢業

成日傾電話

成日去唱k lunch 

成日去行街買野

無做part time 

有時仲走堂 .................

呢的就係我地既美好回憶 !!! 嘩哈哈 ~~~~~ 

    

黎多相同學合照@ sandy家 !!!! 我地呢班社工同學仔吹水能力當然高啦 ~~ 或者太耐無見 ~~ 大家傾到唔願走咁 ....... 成11點先捨得走 哈哈 

呢相都未算齊人 !! 下個月一大班同學仔圍埋一齊，傾到離席都可能唔夠添 ~~ !!!! 

　

臨走又點會少得同靚女sandy影張相呢 !!!! 從前大學年代，我+sandy+寶寶+tracy(宜家係澳洲)係好好感情既4姐妹咁，成日一齊玩

唉 ~~~ 好懷念，往事只能回味，一切都常存在心中 

   

紅噹噹既喜帖，好靚呀 (唔講大家唔知 ~~ 我有儲喜帖習慣 哈哈 ! ) 

我一年其實都唔係去飲好多餐，但就好鐘意去飲 (哈哈) 或者我朋友仔唔太多，不過全部都係好好感情，維繫得好好，所以請得我去飲，我都會好開心，分享別人的喜悅，其實係一件樂事，因為我地要將心比已。

今年我既第一餐去飲竟然係要等到11月 ~~~~　下一次已經係幫好友bonnie做姐妹 ^^ 好期待呀 !!!!!!!!!!!!!!!

  ** 今日天氣涼左少少，但我的秋裝look都未出晒場 .. 厚既jacket已經要準備 >.,< **

k

沙嗲牛肉湯意粉

dears all,

    沙嗲牛肉湯意粉

   

話說自從無返工後，好似少左出街食茶餐廳，所以前日好突然好想食呀 !!!! 好啦 ~~ 就立即行動 !!!!!!  

   

 當然即刻衝落街買番支沙嗲醬，哈哈 !!!!!! 加埋的超淋既意大利粉，就超級正啦 !!!!! 

做法 *****

1/. 先將意大利粉煲至淋身約15分鐘，瀝乾備用

2/. 將牛肉先用糖、生抽、麻油醃2小時左右

3/. 燒熱鑊下牛肉快炒，下1茶匙沙嗲醬，加少許糖及鹽調味，炒約5分鐘，即可

4/. 煲熱水下雞粉煮湯，加入意大利粉，鋪上牛肉即成

 少爺話都幾辣 ~~~ 不過又真既，相對於茶餐廳果沙嗲牛湯意黎講，又真係辣左少少 哈哈 ^^

 ** 好朋友仔book左taylor 2011演唱會 !! 到時我地2個一齊去睇 ^^ **

k

---

• 留言者: Gaileは林家歐巴桑
• Email: dog-thing@yahoo.com.tw
• 網址:
• 日期: 2010-10-27 14:56:00

依個我都想煮呀,但我62唔食牛!!加埋杯奶茶真係正嘞...
[版主回覆10/27/2010 21:58:00]哈哈 gaile 加埋杯奶茶就真係好茶餐廳feel 啦 ^^  62唔食牛 你可以自己整一碗自己食 !!!

---

• 留言者: 成日都好鬼happy 既Mrs.T
• Email: veronicams_tsim@yahoo.com.hk
• 網址:
• 日期: 2010-10-26 23:30:00

好有茶餐廳feel 啊~~~~
 
 
[版主回覆10/27/2010 00:24:00]V女 你就番黎香港 可以食地道野啦 !!!!!

滋潤湯水系列 -- 雪梨蘋果豬

dears all,

    滋潤湯水系列 -- 雪梨蘋果豬𦟌湯

   

今次又係加足料版 哈哈

做法 *****

1/. 豬𦟌先洗淨切件，氽水瀝乾備用

2/. 將蘋果及雪梨切件，蘋果及雪梨可放在開水中備用，加入少許鹽防變色

3/. 燒煲熱水，先放豬𦟌、南北杏及蜜棗，再下蘋果及雪梨，中火滾15分鐘，轉細火煲，即成

　

話明係足料版，所以連鹽糖都唔使落，已經好甜好滋潤啦 哈哈 的豬𦟌肉都好淋身 !!! 

呢排睇天氣報告，相對濕度只有45-65之間，好乾燥呀，所以除左湯水同糖水滋潤下外，我都勤力左做下mask !!! 等個樣都精令的 哈哈 ^^ 

今日天氣開始涼多少少，大家都好好保重身體呀 !!

k

---

• 留言者: Eunize
• Email: greenprune@yahoo.com.hk
• 網址:
• 日期: 2010-10-26 19:58:00

真係好滋陰養顏喎~~~
[版主回覆10/26/2010 22:56:00]你好 small  係呀 天氣涼涼地又乾燥 要飲番的滋潤湯水補下水份 ^^

---

• 留言者: Mrs Cook 小花媽
• Email: floraykau@yahoo.com.hk
• 網址:
• 日期: 2010-10-26 18:21:00

搽完 cream ，再飲碗 Katie's 靚湯，潤晒！靚晒！
[版主回覆10/26/2010 22:57:00]小花媽 你好 哈哈 我呢幾晚都搽厚左cream 不論係face、手手腳腳都搽到厚厚咁 !!!!

再戰迪士尼halloween(24/10)

dears all,

    再戰迪士尼halloween (24/10) 

   

原本無諗住琴日咁突然入迪士尼玩 ~~ 因為計黎計去得番琴日係較為得閒 +上天氣都唔錯

我地又做左annual 人啦 !!!!!!!!!!!!!!!!!!!!!  

對上一次入迪士尼已經係2009年12月同澳洲黎既朋友仔入去玩 ..... 唉 ~~ 又要慨嘆時間點解可以咁快 ~~~ 

再對上一次同寶寶入迪士尼玩就仲誇張 ~~~ 2008年1月，一個好難忘既日子 ~~ 

   

環境依舊，感情依舊，一切也無變 哈哈

   

玩完呢個香港版，當然好想同寶寶黎個日本落雪版本啦 哈哈 !!!!!!! 

   

琴日5點多入到去，計落有著數添，因為琴日係 $350一張票，但我地最後只係補多 $300 就可以成為 「特惠人」＄650感覺著數左，因為琴日係星期日 哈哈 !!!!!!

還記得從前同ex 都幾經常玩，呢到仲係我地相戀既地方添 哈哈 不過最終都分開左 ~~~~~ (講多左添 ~~)

  

雖然話香港迪士尼細 ... 但去完新加坡環球影城無耐 ... .琴日行迪士尼竟然覺得大左 !!!! 

不過 ~~ 我地都玩左好多我地認為最重點既野 包括 :

space mountain 、巴斯光年射槍、小小世界、donald 3D、坐船探險、上樹屋

但就無玩到 ghost house 哈哈

  

我覺得自己好搞笑，大家睇下米妮個樣 ... 幾慘幾被迫咁既感覺 !!!!!!!! ~~~~

  

dinner當然又係去我地老地方既餐廳食啦 !! 發生一段插曲 ~~~

 k去排隊買餐同賣飛既阿姐對話如下 :

k : 「唔該，要一set 燒雞翼套餐跟飯要汽水 (寶寶同我至愛既呢到既雞翼)」

s : 「$96，你地有無全年飛呀? 」

k : 「無呀，但有又點呢? 」

s : 「有全年飛既話，所以野食都有8折，同埋汽水可以加大」

k :「呀 !!!! 咁呀 ~~~ 我地宜家去做 annual 先，轉頭再黎呀 !!! 唔該 」

***********

就係咁樣，我地就急急腳咁走番去大街做annual 人再去食飯 哈哈 !!!

結果，由 $96 ----->> 變到 $84 哈哈 平左10幾蚊都幾好 

  

食飽飽就係時候睇巡遊 !! 我都睇過3次，每年都好似差唔多咁 ~~ 

  

等睇煙花期間又買多碗 「關東煮」黎試下 $25 都ok 不過我部細相機仔影得唔係太好 .... 

等我下次都試下煮先得 ^^ 

「關東煮」有白蘿蔔、紅蘿蔔、魚旦、獅子狗、日本魚片 

講下呢個煙花 ---->> 我個人覺得好一般 ..... 但我都欣賞有呢個halloween版，有突破，但我當然喜歡浪漫既平日版或者聖誔落雪版 哈哈 

因為個halloween版音樂同的煙花好似無咁配合 !!!!! 或許我先入為主認為煙花 = 浪漫 !!!!! 

我會係聖誕節臨飛前玩多一轉先走 哈哈

*****************************************

  

show比大家睇今次既橙色annual 帶 

  

過去做過2次annual 人，最初既係黑色，第二次續係紅色，今次係橙色 哈哈 !!

  

以前同ex. 都好迷儲pins 所以買左的，又同的staff 交換下，不過月頭2位表妹黎香港，最後，我送左的比佢地，所以得番咁多 !!! 主要都係toys 既朋友 三眼仔同巴斯 !! 

  

跟住仲有我的 「耳仔」頭飾 !! 

粉紅色米妮係寶寶係日本買既 哈哈 但最近比我"立"左黎用 哈哈 !!!

  開左個 <迪士尼篇> 稍後等我再整埋一下，放的過去不同look既我入迪士尼先得 哈哈 !!!

 　　　**今晚好朋友仔有要事cancel左dinner，我就留在家中陪媽咪食飯 !! **

k

   

菜肉雲吞上海麵

dears all,

    菜肉雲吞上海麵

   

嘩哈哈，好想食菜肉雲吞仔，上星期早上即刻衝落去樓下買材料 !!!! 一粒粒雲吞見到皮薄餡靚 哈哈 

做法 ******

1/. 半肥瘦肉先剁碎，用生抽、雞粉、糖、麻油搞均

2/. 燒熱水滾小白菜，上碟切碎後用手壓多餘的水份

   

3/. 將菜及肉搞均備用

   

4/. 準備圓形及方形皮 (我自己較喜愛方形皮，皮薄的，易的包 !!)

   

超市只得圓形，唯有落街市買埋正方形 !!

5/. 完成後

   

整晒10多隻，食到好飽 ~~~

6/. 將上海麵過冷河備用，另一邊將菜肉雲吞煲熟備用

7/. 煮湯底，燒熱水，加雞粉或上湯，加咸酸菜調味，滾後加入上海麵及雲吞在湯底內即成

   

咁啱係櫃內見到呢罐，加埋佢入去啦 !!!

　

開餐啦 ****** 

食譜參考何師奶入廚百科

 ** 今日下午入左迪士尼玩，仲做埋annual pass !! 好開心 !! 天氣又好 !! 聽晚同好朋友仔dinner行街街 **

k