忙完一星期!終於到weekend啦 !!

dears all,

< >

   上回講到腸胃痛到抽筋.... 在表妹的醫院影相至一半

   已經開始嘔 .. =="　最後由姨媽 婆婆 吉林舅父揸車送我去私家醫院

   這間私家醫院　其實katie上年都有來過　只是探大伯公時

   算得上好貴　有信心的保証 ... 

   其實只係自己無耐性等公家醫院　加上好擔心的質數

   在香港都唔去公立醫院

   打了針　睡一睡　好似好一點先離開醫院

   但回到酒店 .... 似乎好似無咩好轉　好痛真係

   比起7月在仁安時　仲要痛多十萬8千倍 .... 

   好擔心　即刻打比保險哥哥 因為想入醫院訓一晚 ... 

   坦白講　果一刻真的痛到哭了出來 ..... 

   好想有人陪係自己身邊　其實每次入醫院　或去睇醫生

   都好想有人陪住自己

   算一算手指　自7月開始已經不停食藥

   想快一點好番呢

   翌日的精神好似好一點　個肚仔好似只有一陣一陣痛咁

   我當然唔會放過呢個機會外出走走啦　哈哈

　

　唉　無化妝的我 .... 好病咁

   好搞笑　本來係自己嚷住去玩 fish spa .... 

   但最後竟然見到一條條的魚仔好嘔心

　放棄無玩 哈哈

   但婆婆玩得好開心　婆婆仲話玩完真係有功效添呢

　對腳好似無咁痺哦 ~~~~~~

　

   

   謝謝jackie 的介紹　

   一嘗到曼谷的文華東方酒店的high tea !!! 

　環境相當之一流 !! 正呀 !!

   雖然我個肚仲有點不舒服　但都頂硬上　食左好多

　

　精緻的英式下午茶 !! 

　睇落個分量好似好少咁

　但其實好飽肚 .... 我同姨媽都無食lunch 

   都食唔晒 ...... 

    

    每人一壼花茶 ! 

    

    已經完成最下一層啦　開始進軍中間的甜品

　

    

　katie & 姨媽!!

　

   

   我地連toilet 都唔放過　

　只係因為有靚靚的白花 !! 

　不過其實個個遊客都係咁影　有台灣女仔&香港女仔

   

　

　

love,

katie 

　

10月工作忙忙忙 ~~

    今日工作煩忙 !! 發現越想快一點　就越發現自己好緊張

    個肚仔有點唔舒服 ..... 加上最大原因是自己月中放10日holidays 。

    相信忙碌的工作會直至飛那一天吧 .... 

    所以今日放工就好聽話咁回家休息 !!

    唔想自己月中去旅行時都要去當地醫院

    回想起自己在泰國腸胃痛到流淚 ..... 真的很辛苦 

    

<< thailand trip of 2009 day 3 >>

    因為前一晚食左煎蠔餅 ... 個肚仔頂唔住 .....

　 早上5點個肚仔開始唔舒服

    但都頂硬上　因為今日要出席表妹畢業拍照

  

　 

    這個可愛的米奇仔 是從香港帶去的

    哈哈　　放在新喼內 !!

     

    哈哈　原來婆婆好鐘意個米奇公仔 !!

    等我下次去探婆婆　買一隻細的給婆婆

    

    最愛的花花 !!!!!!!!

    幸好舅父鐘意幫我影相　haha 

　 其實舅父都比我訓練到鐘意影相

    還記得上年同舅父一齊去布吉玩 !!!!

    幫我影左好多靚靚泳衣相　!! 

    真的懷念去餵魚魚的日子、在大海中心游水、浮潛...

    最近的心情有點忐忑不安　

    或許比從前多了東西在自己身上發生

    究竟自己準備好心情face to 未呢 ~~

    我自己也開始分不到　找不到自己鐘意什麽　或者什麽先適合自己

    人大了 ... 發現自己多了顧慮 ... 想多了

    樣樣也很擔心　反而少了時間去享受過程

    工作　人生也如是　

    工作的壓力曾經令我放棄過　

    興幸　現在還可　或者放下多了

    走出痛苦後　play back 又覺得easy 左

    原來我也是工作狂　想做得更好　更多

    完美主義的我   該學懂放鬆一下心情

    投入　用心感受每一個時刻

    過去令我失信心　令我過於執著　令我迷失　令我痛心　令我活於將來的希望

    我在過去這段日子中又學懂什麽呢

    高興的是我願意投入現在　願意踏出　跳出過去

    燦爛笑容最近也常掛在臉上

    與過去說聲多謝 再見

    

 

    

    

---

• 留言者: Delphine
• Email: mo_dolphin@yahoo.com
• 網址:
• 日期: 2009-10-09 14:14:00

glad to know u're trying to break through...
the more u try, experience would color your life.

我們的首次約會!!

dears all,

    katie今日真的覺得好開心 !! 好開心 !!

    今日放工後　六位好姐妹的約會 !! 

　 好耐都無試過可以同一大班女仔行街 買化妝品 食晚飯　

　 感覺好舒服 ^^ 

    很高興可以認識你們每一位 特別是新的同事zoie仔& chris仔 ~~

　 好珍惜今晚傾計的時光　

    我們無所不談　講化妝扮靚 講去旅行 講男仔　

     

      

    

    女仔的消費力果然係強呀 !! 只是化妝品及護膚品今日大家共消費近$4000 

　 見到zoie仔今日學化妝　好靚女　!! 

    chris仔都要加油呀 ..... katie也是過來人　是明白的　

　 一切盡在不言中　因為我明白內心的痛與難受　也不希望為你添上多一點壓力

　 katie真的希望可以同大家親近多一點　好喜歡與你們一起的時候

　 的確覺得好感動 因為好想再一次捉緊每一個開心的感覺

　 或許我真的是一個富感情的女孩

　 多謝大家

　 今日下午收到電話　可以攞我們的hand cream 

    哈哈　4人也有收獲

　 

　 

    試下呢支新味 !! 內有2支　啱晒今個冬天用

　 因為今次真係好平 !! 所以有好多人買.... 等攞貨都一會兒 =="

　 個包裝好靚靚.... 但只係內裹的2支cream有用.... =="

　 

　 今晚我們要左2個沙律碗 !! 哈哈  十分之滿　好滿足呢 !!

    仲有katie 至愛的粟米&啫喱 !!! 正呀 !! 

　 

    近日的新籠兒　好好用的頭髮產品 !! 

    特別是中間的吹髮前護髮cream !! 

　 琴晚carman 到我家 ! 

　 希望你鐘意條裙仔　最重要是啱用啦　!!

　 我們一起又玩電腦仔 坐在katie牀上談天

    又是一個愉快的晚上 ~~

　 發現自己好鐘意傾計　可以講不停 

love,

katie 

    

    

　 

　 

泰國雜記

   今日工作累極了!! 整朝早上整緊個budget planning !!　

   本身數字+account 已不是自己的強項... 有點眼花頭暈的感覺　哈哈

　琴日放工, & bonnie 又出動購物

　因為大家都好累... 所以先食野　再買野

　到 Kerastase 買番支頭髮精華油.... 高興個sales 話已經夠分換禮物

　嘩 !!! 可以有一支FREE 的晚間精華油　價值$290 咁啱我就快用完!!! 

　太美好了 !! 又買左一支新出的吹髮前的lotion !! 

　今朝試用　感覺十分良好　正好啱入秋用啦 ~~

　

 

　上星期carman birthday 的照片

　

　大顆人與一個愉快的晚上

<< trip of thailand 2009 day 1 >>

早上　CX最早的機到bangkok 

　　　舅父接機.... 先回家與婆婆食午飯　沖涼　執行李

下午　3:00 火車到南部合艾市　（火車17小時 ）

　　　比我好眼利　在火車站見到雪糕車

　　　即刻叫埋姨媽去食　哈哈

　　　這是我必食之一　

　　　椰子雪糕+"羅"米飯+蕃薯+椰果

　　　+淡奶+少許花生 == 美味

　　　（大家認住呢部車仔）

　

　在火車上整個下午攰到暈。

　因為前一天做姐妹..... 翌日早機.... 

　訓醒時　已差不多開飯

　這是火車餐

　

　天氣十分好　最愛藍天白雲

　今日其實好悠閒

　所以我們決定book 車去宋卡　

　探親友　

   

　與姨媽的合照

　我們坐在篤篤車上

　雖然中午時分　

　但風吹來　也是舒服的

　

　跟著　司機開車經過美人魚

　司機好好人　停了一會兒給我們拍照

　哈哈　其實上年都影過　^^

　不過去旅行就是這樣　咩都可以玩一餐呢

　

　

　晚上與今次泰國之行主角的kimmy 表妹食飯　

　(左) katie kimmy 五舅父　姨媽　婆婆

　每次都好好珍惜與家人相敍的時候

　因為明白到唔想錯過任何一個機會

　那份感時時也在我的心中　

　一個重要的位置與部份

　我想我也是一個重感情的人　

　這是雙魚座的突性吧!! 

　我仍相信前路是美好　生活是可以幸福的

　我仍會繼續勇敢走下去　去爭取

　

katie換季啦 !!

dears all,

  昨天在家休息 ! 因為中秋夜感受到涼意 ... 所以是時候搞搞個衣櫃 ^^

  其實katie係唔需要所謂換季執衫 (即將夏天衫放入櫃 ... 冬天衫放出黎咁)

  katie要執的只是因為個衣櫃太爆..... 太多衫 ..... 所以最後執左一大袋out左

  又放番的靚靚衫係櫃面 !! 最後仲執埋的underwear !! 放番整齊 !!

  所以今日已經秋裝上場啦 ^^ 早前已為秋天添置了新裝 !

  待之後放相比大家睇呀 ~~

  

   中秋節夜的katie與燈籠仔

  

   終於食到綿綿的雪花冰啦 !! (牛奶味 !!) 還有雪糕高力蛋糕添

  

   哈哈  這張相好有趣 !! 不停玩電腦的katie & carman =="

   於去泰國前申請的AE 咭 !! 因為想快人一步理想達到 為miles 而努力奮鬥

   著數 --> 首3個月雙倍miles

          --> 直接過分去miles

          --> 送左2張機場禁區的貴賓室去玩 !! 但上星期太忙 掛住行街...

               無時間去玩..... 下下星期決定早的去機場

   katie 買左2張機票 ... 已有接近1萬miles.. 加埋幫媽咪碌去旅行 .... 太正啦

   計計埋埋 .... 已可以有2張泰國機票 或 1張東京機票 或 1張悉尼機票 (來回)

   哈哈 !!

  

   大家有興趣 可以話俾我聽呀 因為我介紹朋友仔的話 我都會有500miles !!

  

   donald仔手上的手扼 就是新買的 一個很簡單的款式 !!

love,

katie

  

 

 

 

中秋節快樂!!!

dears all,

  中秋節快樂!! 人月兩團圓 !! 

  終於都等到一連兩日的holidays !! 這兩天身心也感到十分疲累.... @@

   前天好友janice 相約katie & tobby 一起為她揀婚紗!! 

   我們一行4人相處好舒服 開心 ^^ 最後也為janice 揀左一條最美的婚紗

   katie 希望在此祝福一對新人　百年好合　永結同心

   <執子之手　與子偕老> 

   janice 是一個..... katie十分珍惜的一位好好朋友

   一位很感動的朋友　我們雖然相識只有3年多 但盡在不言中

   日後再在此分享多點吧

   katie 作為好友的伴娘　都能感受到這份喜悅 !! 

   期待你們下個月的大日子　!! 

　

　之後katie & tobby 都一齊攞我們的伴娘裙仔-- 湖水綠色

   初時揀的確有點抗拒　覺得好難carry 得靚

　但試過後... 又發現比想像中特別 !! 哈哈

   回家先試........ 好緊呀==" 要改一改先ok 

　今次係吊帶長裙 ... 初時都覺得長裙好難carry 加上自己又唔高

   但兩星期前都著了長裙為flora契姐做姐妹　又ok 呀

   是一條白色low cut 長裙

    

    是kaite 最愛的花球 哈哈　不過不是我接到的　

    只是借來影一影　當日天氣十分好　好好陽光　

　 原來我們的維港在陽光的照射下是很美的畫像

    琴晚放工又是shopping night !!

    是次主角是katie少不了+bonnie+jacko+後來短暫停留的kiki 

    katie今次好節制　無用信用咭　用現金(哈哈　其實咪一樣)

　 因有新hand cream 做promotion 但無晒貨　要下星期先有得攞

    又買左雙新手扼比自己　靚靚 

    坦白說最近的確洗左好多好多$$$ 

    同bonnie一起食了譚仔米線　想食好耐啦!! 

    回家時　在車上真的攰到熟睡了........... 

    在這裹放相的功能不是太好..... 

    我又不太喜歡放咁大張相　....... 唉　要請教下高手先得

　 搞到kaite打一篇其實唔耐... 只是放相好耐囉 ==.

Love,

katie

    

   

    

---

• 留言者: katie
• Email: mo_mo0301@yahoo.com.hk
• 網址:
• 日期: 2009-10-05 09:58:00

yui :
  我都好掛住你呀 !! 黎下可唔可以這兩個星期見面啦 !
  因為我月尾去旅行呀 !! 有好多野想同你分享呀
miss u ^^
love,
katie

開blog!! 多多指教!!

dears all,

  今日終於都開始yahoo Blog !! 其實我 一直都有在xanga private 中寫

  最近想同大家分享多的自己的生活點滴 ... 雖然也只係給少數朋友仔睇

  

  簡單報告一下先... 完成契姐Flora & Dennis 的結婚日

  翌日飛thailand 出席表妹kimmy 的畢業禮 & 探婆婆之短短7 days 遊 !

  因為腸胃差的我最終也要到訪泰國私家醫院 @@

  回港後即看病 ..... SL 天先上班作戰..... 

  

  

  

  更多泰國的行程　雖然今次無特別去景點　但也想與大家分享

  待下次... 將行程放在這𥚃吧 !! 

  今天是好朋友carman 的生日大日 !! 琴晚唱K 。大顆兒一起　開心

  一起唱birthday song 切birthday cake !! 正呀... 

  雖然晚了回家 ... 但今早又早起　下午又外出去　真的累透了

Love,

Katie