埃及之旅 (day 3)

dears all,

    埃及之旅 (day 3)

少少題外話 : 4/10即琴日正式展開我既全職學生生涯，感謝好多好朋友仔打比我 !! 玩左10多天 .... 功課唔係好追得上，琴日不停趕工做功課 ... 所以未得閒upload day 2 !!!! 去玩既代價 ~~~~　

    上回講到，我們一行人坐通宵火車，早上，先食個早餐　

　

嘩 ~~ 全部都係包包 ~~~ 呢到2份 .... 因為寶寶唔食 ~~ 加上我自己都覺得麻麻地 ~~ 只係食左個牛角包+搽牛油，食埋件芝士仔 !!

   

 再影下個火車上既相，條走廊都整潔 !! 

   亞斯旺火車站

　

大家團友都爭相影下火車站，的外國遊客都係同一個站落車

   

火車站內都好有埃及特色 !! 有的大壁畫掛在牆身 ~~

   

企係亞斯旺火車站 Aswan 前同導遊alan 影番張相先 ^^

  跟住我地就上旅遊巴，好快就到

第一站 ---------> 未完成方尖碑 at aswan

   

先係個門口影張相先 ~~ 開始熱啦 ~~ 基本上太陽眼鏡不能除 !!!!!

   

行上小山頂就會見到個方尖碑，寓意太陽神由方尖出來 !!

   

背後既市景真係好靚，加埋個沙漠做背景 !! 真係好似去左古埃及世界般 ~~　

   

又點少得我地4位小姐們既合照呀 ^^ 影完相之後，我地又再出發到

第二站 ----------> 亞斯旺水霸

   

水霸真係好大　好大呀 !!! 仲大過香港 ~~~ 呢到又係旅遊景點，好多外國人

   

呢到風景都好靚 !!!

   

當然要係呢個地標到影下相留念啦 ^^ 之後坐只有幾分鐘車程係隔離既 ~~

第三站 ----------> 蘇埃友誼紀念碑   

   

好似5隻手指咁，代表著當年蘇聯和埃及合作建設大水霸見証 !! 可以走入去睇睇 

   

係個logo前影張相先 ^^

   跟住就起程上遊船食午餐 !!

   

呢到隻隻遊輪都係4星遊輪，同一時間我地見到X旅團都同我地一齊 ~~~ 食物都算唔錯，但少菜，最多係茄子同翠肉瓜，沙律、蕃茄仔、青瓜，因為多意大利人，所以每日都會有意大利粉 (白汁或紅汁) !! 下次先放相比大家睇呀 !! 

   

超級開心，好彩抽到向撒哈拉沙漠景觀，真係實在太正啦 !!! 唔知點解我無影到，唯有放張寶寶相比大家睇下間房，個洗手間都有5星水準，但當然唔係大啦 !! 不過唯一麻麻地係的冷氣唔夠涼 ~~~ 所以訓覺以吊帶上陣 ~~~ 

  食飽飽後，我地可以係船上休息玩下，4:30pm 左右先出發自費活動，有興趣可以參加 !! 我地食飽飽就二話不說，用9秒9速度換泳衣上去天台游泳池 !!!

   

呢個景真係無敵 !!!! 好有holiday mood ^^ 呢個風景實在太難忘 !!

   

又點能錯過係呢個風光如畫既地方影張相呀 !!!! 我既最新紫色泳衣可以出動啦 ^^

   

又黎多相嘆世界既相 哈哈 舒服到就快訓著 zzzzzz

   

浸下水真係即時下火降溫 !!! 爽呀 ~~~ 

   

後方仲有個按摩池，我地幾個girls 夜晚仲邊睇星、邊吹住涼風、邊傾計邊水力按摩一番，太幸福 !!!!!! 其實個池咁細，都只係過下水引 !!

第四站 ---------> 尼羅河暢遊+上岸參觀努比亞人村落 (每人 12美金)

   

坐左成45分鐘後方船程，都幾熱，涼的熱風，不過淨係欣賞兩岸美景就足夠 !!

   

   

   

撒哈拉沙漠 !!

   

   

   

村落全景，呢到有電力提供，有雪櫃，因為大家熱到每人買一支冰凍可樂降溫 !!!!!

   

   

   

咁入黎呢條村落有咩玩，可以飲杯地道薄荷茶 (忘記影，同埋好熱既茶 .. 無咩心機再飲熱野 !!)免費畫手繪紋身 !! 我畫左朵花花 ^^

   

   

試吸食當地水煙 ~~ 不過我唔敢吸大口 .... 所以試唔到 ~~~~ 

   

   

嘩 !!!!!! 係鱷魚bb ~~~ 我見好多人都有試，最後我都唔執輸，同bb影埋一份，係真呀 !!!!!!! 

仲有條大既，約1米左右 !! 當然被困啦 ^^

   

   

哈哈，我地仲好似當bb係玩具咁玩添 ~~~~ 好crazy ~~ 其實bb震晒咁好驚 ~~ 哈哈

   

  

呢個就係努比亞人公仔，我同寶寶每人一隻 !!!! 回程遊船休息 !!! 

　再續 !!

k

   

---

• 留言者: vanvan
• Email: funnydotdot@yahoo.com.hk
• 網址:
• 日期: 2010-10-17 13:04:00

你好呀, katie~ 見到你去埃及 d 相真係開心~ 我都打算去啊!
想問下你, 我十分怕暈船浪的! @@"
請問在尼羅河訓 3 晚郵輪, 會唔會有浪? (雖然我估計應該好平靜的嗎?)
另外, 45mins 船程又會好拋好快嗎? 謝謝分享 : )
 
[版主回覆10/17/2010 14:09:00]你好呀 van sa ^^ 謝謝你喜歡埃及遊記 ^^ 放心吧 第一晚遊輪係唔會開 第二晚就唔係好記得 第三晚先開 (哈哈 証明開得好靜 一的都唔覺 !!!) 加上每日都玩得好攰 你一上牀就訓著 zzzzz ^^ 45mins 船程都係慢既 你可以影下相 傾下計 望下好靚既沙漠景色 就會忘記坐緊船 如是擔心的話 你可以帶定的止暈藥 都ok ^^ 希望你會喜歡埃及行程 !!!!

---

• 留言者: 靚太
• Email: rebeccawan8@yahoo.com.hk
• 網址:
• 日期: 2010-10-12 16:33:00

睇黎個團按排得唔錯喎！
[版主回覆10/13/2010 10:43:00]係呀 靚太 !!! 經我朋友仔細仔分析個唔同公司後 跟東XX既行程係最正呀 仲送埋free停留新加玻 + 酒店 !!! 簡直係超值 ^^

---

• 留言者: Norman Buffett
• Email: @yahoo.com
• 網址:
• 日期: 2010-10-08 15:39:00

Haha, Katie, you seem to be very happy.  Your photos are very attractive, thx!!
Did you enjoy their food?
N
[版主回覆10/08/2010 17:04:00]hihi norman 今次去旅行玩得好開心呀 !! 謝謝你喜歡呢幾篇遊記 的食物其實都唔錯 我每餐都食得好飽 哈哈 但口味未必同香港差唔多 較多油

---

• 留言者: Boey
• Email: boey870126@yahoo.com.hk
• 網址:
• 日期: 2010-10-06 22:00:00

睇到我都想去....^^
[版主回覆10/07/2010 11:16:00]你好呀 boey !! 希望你喜歡呢個地方 ^^

---

• 留言者: bobo
• Email: hkinjordan@yahoo.com.tw
• 網址:
• 日期: 2010-10-06 21:52:00

沙漠中坐遊船游水晒太陽,我都想試試
[版主回覆10/07/2010 11:18:00]你好 bobo 謝謝你 有沙漠做背景 邊晒太陽邊游水真係好寫意呀 !!

---

• 留言者: ※Pinky※
• Email: lemontea1682000@yahoo.com.hk
• 網址:
• 日期: 2010-10-06 10:22:00

早晨katie～見妳玩得咁開心,  攪到我都有啲心郁郁想去添 ～
[版主回覆10/06/2010 10:43:00]早晨呀pinky !!! 呢個地方好值得去玩呀 ^^  希望你睇呢幾篇遊記會開心 !!!

---

• 留言者: Wing L
• Email: winglow125@yahoo.com.hk
• 網址:
• 日期: 2010-10-06 08:05:00

哈哈......仲好回味.......
睇到我都想去....
全職學生都唔易做架.......加油啦.....
[版主回覆10/06/2010 09:41:00]謝謝你呀wing !!! 呢個地方都適合一家大細去呀 ^^ 不過就有少少辛苦 ~~~  我宜家十分之享受我既學生生活 !!! 好自由 ^^

---

• 留言者: Eunize
• Email: greenprune@yahoo.com.hk
• 網址:
• 日期: 2010-10-06 00:36:00

好開心好舍意啊，而且d境好正呀!!!
[版主回覆10/06/2010 09:39:00]係呀 謝謝你喜歡!!! 個trip真係好開心 ^^ 

---

• 留言者: 美味娘娘
• Email: hkcookingmama@ymail.com
• 網址:
• 日期: 2010-10-05 15:23:00

沙漠中坐遊船游水晒太陽,最高享受!
[版主回覆10/05/2010 22:26:00]係呀娘娘 嘆世界莫過於此 哈哈 !!!!!!

---

• 留言者: MOONmoon 如月
• Email: ngsksandy@yahoo.com.hk
• 網址:
• 日期: 2010-10-05 13:06:00

個公仔好得意，同幾位朋友去旅行最正，有傾有講最大享受!
[版主回覆10/05/2010 22:25:00]謝謝你呀如月 ^^ 個努比亞人公仔好可愛呀 !! 我都係第一次同3個女仔一齊去旅行玩 !!!

---

• 留言者: Mrs Cook 小花媽
• Email: floraykau@yahoo.com.hk
• 網址:
• 日期: 2010-10-05 12:11:00

印象中沙漠地帶會有海市蜃樓，係咪？果度有幾熱？
[版主回覆10/05/2010 12:41:00]小花媽你好呀 好開心我都有機會見到好大好大既海市蜃樓 !!! 約40多度左右，真係一大片水，好真實 !!!!

埃及之旅 (day 1 & 2)

dears all,

    埃及之旅 (day 1 & 2)

21/9/2010 :

今次跟東X遊旅行團，因為免費回程停留星加坡+1晚酒店+全球最大摩天輪入場劵 ( $ 170約) 所以寶寶比較過其他團既行程，認為最吸引就係呢間，共有33位團友，當中包括我們4位小姐 !! 

今次帶埋3部相機，一單鏡機、一細機同埋潛水相機，最後共影左 3800 相張 ***

好開心導遊Alan 全程用心、細心、專業、介紹唔同景點都會講所有歴史 ! 掂呀 ! 

今次旅程開心指數爆燈，各位團友都好好，大家仲做埋朋友仔添 ^^

day 1 :

A380 香港 ---> 星加坡 (3個半鐘)

      星加坡 ---> 杜bai    (6個半鐘) 在星加坡機落機等2個半鐘

        杜bai ---> 埃及首都開羅 (3個半鐘)  在杜bai飛機上等45分鐘

時差 6小時　

day 2  6:00AM 到達開羅 !!!

題外話 : 星航的飛機餐好似好味過國泰 ~~ 今年食左超過10餐星航餐 !! 上落飛機超過20次 ~~~~~~~ 

   

開羅機場，同歐洲小國機場差唔多 !!

  今次係我第一次相對較為發展中國家，坐在旅遊巴上望出街外風景，好多都係yellow色，好沙塵滾滾 ~~ 早上天氣清涼，中午就熱到飛起 !! 

  學導遊講去發展中國家會多的旅遊感覺，因為會睇歴史，但係去先進國家就會少左呢份探索經歴。我覺得講得好啱，所以呢10日辛苦，但感受上同我去歐洲澳洲唔同。

  第一站 ------------> 沙卡華梯形金字塔

   

因為時間尚早，有點涼風，好舒服 !! 

   

呢個行程聽得最多就係 「one dolloar」美金，埃及人因9成信奉依斯蘭教，的人民都好友善，同埋貪黎貪去都係 1美金 或 2美金 !

   上圖就係我自己一個影緊相，個當地人走埋黎話一齊影，都ok  ..... 之後就攞的 「道具」出黎幫我地戴 ~~~ 就係咁 1美金就奉上 ! 當然佢都幫我地影左好多相 哈哈

   

哈哈，我地可以好隨便咁就又坐又摸的幾千年既古蹟，感覺好特別

第二站 -------------> 吉薩金字塔

   

天氣開始熱啦 ~~ ，先遠景影相，再入墓參觀 (但不可以影相，全程要蹲低斜行入去，好彩我細粒，唔係太辛苦，內無冷氣，見的高大老外行得好辛苦 !)

   

我地個行程包埋騎駱駝 !!

   

呢張相好好笑，大家睇下我個表情 ~~~ 好驚呀 !!!! (不過第二次玩就ok ! 第7日會再介紹 ) 

   

跟住再睇埋獅身人 !! 

   

alan 介紹我地既最佳位置影kiss kiss 相 !! 哈哈

咁就玩到中午食我地既第一餐 !!

   

一間埃及餐廳，中午時間好多不同外國團一齊食

   

先黎個薄餅，左上角既醬加埋的薄餅，都唔錯 !! 呢到每餐都會見到蕃茄同青瓜 !!

  

主菜係埃及燒魚特色餐，條魚燒得好好味呀，炸油魚都好好味，個飯就一般

  

條魚比我食到一半，見到的魚肉都好鮮 ^^

  

另一樣差唔多每一餐都會見到既蜜瓜，另一碟係甜品，我就麻麻地，因為實在太甜 !!!

第三站 ------------> 埃及博物館

  

食飽飽後我地就去埋埃及博物館，又係唔帶得相機入去 !　

參觀完後，就去一間4星酒店沖涼梳洗，再上通宵火車

  

間酒店都唔錯，我地短短留左1小時

  

洗手間都好唔錯 !!

  

就係呢間酒店，起程去火車站

  

連個火車站都有古磧feel !!!! 

  

二人一間包廂，房內有洗手有鏡，訓左10多個鐘，火車訓覺好舒服。我由好細個已經習慣，3歲左右已跟k媽咪番泰國鄉下，由曼谷坐通宵火車南下約17個鐘 !! 我都幾鐘意坐火車 

  

 火車上既晚餐 !! 的飯就一般 ~~ 可能經過上次去馬代經驗 ~~ 的飯真係唔係太啱我胃口 ... 所以無動過 ~~ 燒雞就一般 ~~ 見的團友係咪沖cup noodle !!! 哈哈

今晚早的訓覺，第二日仲要去玩 !!!

k

   

   

我番左黎HKG 啦 !!!!!!!!

dears all,

   各位 !!! 我番左黎HKG 啦 !!! 好掛住大家 !! 

 呢11日旅程真係超級開心，33位團友相處融洽，仲成為朋友仔添 !! 

 11日內我就肥左啦，本來開學後瘦左少少，而家又回升左 哈哈 無法啦，去玩咁開心 ^^ 

 經歴左

第一次遇上最熱天氣(46度) + 

第一次到沙漠 (撒哈拉沙漠) +

第一次玩小遊輪 (共3晚) +

第一次一次過轉3次機 (來回共6程) 今年食星航飛機餐超過10次 ... 諗起都怕怕

第一次坐四驅車飛奔 .... 沙漠看星

第一次跟團玩得咁開心 ..................... 

第一次16人一起自遊行星加坡 ~~~ 

  

放住張金字塔相比大家睇下先啦 ^^

總之好開心 好多第一次 謝謝超級星期導遊Alan !!!!!!!! 

我會盡快將行程打blog   

但係 !!

咁啱我在泰國的舅父一家4口黎左香港 !!!!!!!!!!!!!!! 今日忙完返學，仲要帶佢地去旺角行街 ~~ 明天一早佢地就走啦 ~~ 

好忙 ! 好忙呀 !!!  

時間關係，放住幾張happy 相比大家睇下day 1 先 哈哈

  

當地導遊，好nice既穆德先生，佢一手就可以抱起我 ~~ 呢張相真係好利害 哈哈

k

 

---

• 留言者: Eunize
• Email: greenprune@yahoo.com.hk
• 網址:
• 日期: 2010-10-04 21:44:00

wellcome back ar~~~~
[版主回覆10/07/2010 11:40:00]謝謝你呀 ^^

---

• 留言者: Patricia
• Email: patriciawai_feb@yahoo.com.hk
• 網址:
• 日期: 2010-10-03 13:09:00

(Empty)

---

• 留言者: 美味娘娘
• Email: hkcookingmama@ymail.com
• 網址:
• 日期: 2010-10-03 10:10:00

早晨~睇到你咁開心照片,也可領略到你玩得好開心,歡迎你回來!
[版主回覆10/03/2010 12:21:00]謝謝你呀美味娘娘 ^^

---

• 留言者: sa之廚房
• Email: sasagirl662@yahoo.com.hk
• 網址:
• 日期: 2010-10-02 23:22:00

(Empty)
[版主回覆10/02/2010 23:58:00]又流晒口水添 !!!

---

• 留言者: ※Pinky※
• Email: lemontea1682000@yahoo.com.hk
• 網址:
• 日期: 2010-10-02 21:50:00

歡迎katie番尼 ～ 雖然少少相, 但係已經感受倒妳嗰份興奮心情喇！但係聽見妳話沙漠有成 46度, 咁會唔會好辛苦呀？
[版主回覆10/02/2010 22:15:00]謝謝pinky !!!!!! 個團同行程唔會好似去歐遊咁歎 ~~ 都幾辛苦 但一大班人玩得開心就值回價 ^^

---

• 留言者: bobo
• Email: hkinjordan@yahoo.com.tw
• 網址:
• 日期: 2010-10-02 20:02:00

show us more photos
[版主回覆10/02/2010 21:01:00]bobo 你好呀 謝謝你呀 我會盡快upload 遊記相 ^^

---

• 留言者: Wing L
• Email: winglow125@yahoo.com.hk
• 網址:
• 日期: 2010-10-02 16:45:00

你番來啦....welcome !!!
睇來你玩得超開心 
係唔係買左好多野呢 ?
有冇爆喼呀 
[版主回覆10/02/2010 21:02:00]係呀 wingL真係超級開心 亦都超級攰 !!! 不過就唔會買左好多野 返黎個喼都唔過 20G 好利害呀 !!

---

• 留言者: 安靜人
• Email: wks51e@yahoo.com.hk
• 網址:
• 日期: 2010-10-02 14:46:00

睇到都開心, 好期待妳的行程blog 和分享呀.....
[版主回覆10/02/2010 21:03:00]quietness 謝謝你呀 我會好快同大家分享行程 ^^