元朗葡國餐飯聚

dears all,

     繼上一篇blog講完烏溪沙散步後，晚上朋友仔車入大尾篤，本來諗住 ---> 忠誠泰菜 ----> 改為大尾篤BBQ ----> 又改，再車入元朗葡國菜 !!!!! 

就係咁樣朋友仔由上水車入我家馬鞍山 ----> 大埔 ----> 元朗 ----> 朋友仔回家天水圍 -----> 馬鞍山我家 ----> 回家上水 .......... 

真係辛苦左朋友仔 !!!!! 下次再整蛋糕送比你食 ***** 

     呢間元朗葡國餐廳雖然沒有花巧既裝修，但當然最重要係食物好味 !!!! 價錢又實惠 ^^

    

元朗我真係唔係好熟路，只係識得大街去買老婆餅、B仔涼粉、大榮華 ..... 哈哈 呢間鋪就位於大街後邊，周圍都有好多食店 !!! 

我地一行4人共食左7樣野，埋單好平呀 !!! $500有找 ~~~~ ^^

    

先黎個照燒牛仔骨，超級juicy !!! 肉汁好多又淋，一咬就好軟，實在太好味

    

蒜蓉包包都好好味 !!!!!!!!

    

芝士焗西蘭花，的芝士好好味，濃度適中 !!

    

葡國雞，個汁好好味，但的雞肉就少左的，同埋有骨 ..... 美中不足 ~~

    

燒羊排，呢個又係juicy 之作，一的"蘇"味都無 !!! 好正呀 !!!!

    

又再黎多個燒豬仔骨，好好味，最鐘意食的淋淋地既肉，仲要多汁，就最滿足 ^^

    

馬介休炒椰菜，馬介休咸魚咸度啱啱好，不過我唔慣食太咸既野，呢味對我黎講，當然咸左的 ~~~~~ 

雖然我已經好飽，但我地2位男士當然食力無限，佢地對於我個芒果芝士蛋糕仲有好強既戰力 !!!!!!!!!!!!!

    

黎下佢地2個食左幾多，我同寶寶都係切左好少好少食 ~~~!! 不過因為個芒果本身唔夠甜，有的酸..... 所以搞到個蛋糕唔夠甜 .... >.,< 下次要再努力 ~~~ 希望朋友仔都鐘意 ^^

    

最後送上一張靚靚全整版既mango cheese cake 比大家睇下啦 ^^

    

大家睇下間鋪真係好平民化 哈哈 不過我都鐘意周圍去食下的平靚正既野，感覺地道的 哈哈

   唔經唔覺我打blog已經有1年零1個月，呢段日子，我真的真的覺得好開心可以認識到好多blog友，大家都好nice又可以分享飲飲食食或者扮靚 !! 我相信友誼既建立，係不在乎地域、國籍、語言、meet up既次數黎界定。每日都可以係blog到見到各位既最新日誌令我覺得好開心 !!! 呢個亦都係推動我繼續打日記既原因 !! 謝謝你們每一位，亦都好希望大家睇我既旅遊日誌、美食日誌、靚靚日誌都會開心 哈哈哈哈哈 ~~~~ (唔鐘意睇就唔使話我知 ..... delete 左我就okokokok ~~~)

   除左打下的日常生活外，我自己都好鐘意寫作抒發感受，好想係呢個平台post的旅遊散文，記下點滴感受，我已經開始著手整理緊，好想同大家分享，雖然我的文筆麻麻地 ............... 哈哈

    見我上篇有提及下個月又飛啦 !!!!!!! 若果有網友睇開我blog就會估到我去邊 ----->> 泰國探親，探望我最親愛既婆婆大人 ^^ 今次因為sem break 所以多的時間，會留係泰國家廿幾日至 2011 先返黎 ^^ 今次去泰國，我想同大家分享多的地道美食或者走入超市影下相介紹美食，好嗎 ???!!! 哈哈 (所以大家該會明白點解我會咁趕做功課 ... 因為要去玩 !!!!! ) 

　 sorry~~ 今日長氣左 ~~~~~

 **今日返學，要傾present laaaaaaaaa ** 

k