台式滷味雜錦煲

dears all,

    滷味雜錦煲

   

前天去左油麻地睇醫生，等到我儍左 ~~ 真係火到黎 ~~ 唯有去隔黎永安下層既超市行下，因為有好多台灣食品買 !!

   

見到包滷味包幾吸引，仲只係 $12 內有3包，當然買回家試下啦 ^^ 

之但係 ~~~ 整得無相中咁靚 ~~ 不過好香，似藥材味 ~~ 我估加左花椒8角味 !! 

  

初時個顏色比較淺，lowB既我不停係到用筷子整下個滷味包 ... 搞到最後爛左 ... 要開多包 .... 哈哈

不過，我都係鐘意食番淘X既支裝滷水汁 ~~ 好似啱我口味的 ^^

做法 ****

1/. 先準備材料 : 8隻雞翼洗乾淨、熟雞蛋4隻、硬豆付1份

2/. 加4碗水先煲至滾，加滷味包包及其他材料，加1茶匙生抽及老抽，冰糖2小片，煲約45分鐘，即成 

其實我仲買左茶葉蛋包，下次可以試下整 !!