執野行動第二回之書本篇

dears all,

     執野行動進入第二回 ~~ 書本篇 !!!

     上回好似好感性咁執左的回憶出黎，今次就清埋的書書 ~~ 哈哈 .. 結果比k媽咪話我當泰國舅父家係一個 "私家貨倉" .... 的書書睇完又好少會再翻睇，攞埋過去先，有時返去都可以有書係屋企睇下

　  k媽咪 :「你又攞埋的咁既借口，埋明係個房又無位啦 ==" 」

     

     (又比k媽咪識破左添 ..... ^.^) 

     

呢到show出黎既只係冰山一角 

    呢本書係我一位好朋友仔yui 送比我，還記得當時既我果排心情差，yui為左鼓勵我，揀左本好勵志既書，文字簡單又精簡，共有365 篇，簡單的生活讓心境都平靜下來 

     

    呢本係最近走入突破書店果陣買既，2日已經睇完，文字都好簡單，又係講下睇事物可以從從簡單的思想入手，就會感滿足快樂 ! 

     嘩，開下個書架......... 我先發覺其實我買左好多呢類書本 ........ 或者我做的好人本既工作，所以自然本能都會愛睇呢的書。

     另外，我都係素黑迷，好愛佢一系列書，下次先post 上黎 

     不過，我都愛睇多公仔少文字既書，不過企係書店打一陣書釘已經睇完，就好多時無買 哈哈哈哈 ~~~ 

     當然，雖然我對設計無天份，但都愛有關時裝、室內設計或者旅遊書，總之，咪就係鐘意靚野囉 !!!!!

     

    呢本由史澤雅寫既潮流時裝我都啱，哈哈哈哈 

    因為鐘意佢講下自己鐘意時裝既歴程，同埋好替佢開心可以將自己興趣放入工作上，(當然我自己都一樣咁熱愛我既工作啦 ^^) 

    最近咁樣執野，搞到我都好攰，所以最近放工返到屋企，我都會忍唔住午睡..... 直到k媽咪7:00叫我食飯 ..... >.,< 我呢個懶人都好想開爐 .... 但周公call 我 ... 實在難忍... 

love,

katie